Ме-Читаш

Лимонот е состојка со која може да се направат ефикасни и природни маски за чистење на кожата.
Лимоновата маска за лице ја подмладува кожата и и дава свеж и чист изглед. Еве неколку рецепти за тоа како да се употребува лимонот за да се направи природно средство за чистење на кожата.

Лимон и шеќер
Ова е една најчестите маски за лице кои содржат лимон. Лимонот врши ексфолијација на кожата и ги отвора порите. Ваквото чистење треба да се прави два пати во неделата.

Лимон и морска сол
За да ги отстраните старечките дамки, масната кожа и акните, може да направите природно средство со користење на состојки од вашата кујна. Тоа е познатата маска за чистење на лице, што ги содржи лимоновиот сок и морската сол. Лимонот врши ексфолијација, а солта има антибактериски својства. Во зависност од конзистенцијата, оваа мешавина може да се користи како маска, која ќе се нанесува на лицето и вратот и ќе се остава 8-10 минути да поделува. Потоа, маската се отстранува со ладна вода.

Лимон и мед
Овој рецепт го користеле и нашите баби, кога сакале да ја подмладат нивната кожа. Измешајте лимонов сок и лажица мед, и нанесете на претходно исчистена кожа на лицето и вратот и оставете го некое време да поделува. Оваа маска не само што го чисти лицето, туку ја прави кожата сјајна и свежа.

Лимон и јогурт
Ова е уште еден рецепт за чистење и навлажнување на кожата. После напорниот ден, може да се нанесе оваа маска и да се ревитализира кожата за неколку минути. Во поголем сад, измешајте јогурт и неколку капки лимонов сок или лимоново масло и нанесете ја мешавината на лицето и вратот со блага масажа. Оставете ја да делува 5 минути и потоа исушената маска измијте ја со топла вода.