Недостатокот на сон во текот на адолесценцијата, според најновите истражувања, може да остави трајни последици на врските (синапсите) помеѓу нервните клетки во мозокот.
Научниците од Универзитетoт Висконсин - Медисон во Америка, направиле низа тестирања на млади заморчиња кои биле поделени во различни групи.
Во едната биле заморчиња кои секојдневно биле будни од 8 – 10 часа, во другата биле заморчиња на кои им било дозволено да спијат колку што сакаат, а додека во третата група биле заморчиња кои биле присилени да останат будни.
Научниците откриле дека животните кои немале доволно сон имаат неправилности во создавањето и користењето на синапсите – врската помеѓу нервните клетки во мозокот.
Еден од проблемите на кои предупредува истражувањето, т.е. недостатокот на сон во адолесценцијата, посебно хроничниот недостаток на сон, може да има сериозни, а најверојатно но и сеуште недокажано - трајни последици на создавањето на врските во мозокот.
Сеуште не е познато дали промените се бенигни, моментни и реверзибилни или пак имаат трајни последици на функционирањето на мозокот.
Стручните лица предупредуваат дека 16 годишниците би требало да спијат минимум 8 часа во текот на ноќта.
Следете за нови коментари на RSS
