Ме-Читаш

Постојат многу начини за настинки од различно потекло, како што се кашлица, болки во грлото или други болести, кои можат да се справат со традиционалните лекови. За нив најдобри се старите испробани рецепти од времето на нашите пра-баби, па дури и нивните баби.

Бела ротквица со мед
Една голема бела ротквица треба да се ижлеби како чаша. Внатре се прелива една лажичка или две мед, се покрива со салфетка и се остава во текот на ноќта. Утрото вдлабнатината од ротквицата ќе биде пополнети со сопствениот сок, измешан со мед. За да се смири кашлицата, треба да се зема една лажичка сок - наутро и навечер.

Кромид со мед
Поголема  главица кромид се стави во соодветна чаша, така што да стои исправена, а потоа се прави вдлабнатина. Во празнина се става по желба мед, и секое утро содржината која се исцедува од кромидот се пие.

Жалфија како мед
Прво треба да се свари посилен чај од 40 грама жалфија и 600 милилитри вода. Потоа се топи 300 грама шеќер без вода, на тивок оган. Во шеќерот се додава предходно процедениот чај. Така добиениот сируп се меша на тивок оган, додека не се добие густина како мед. Содржината се лади, се истура во тегла и се чува во фрижидер.

За да се смири кашлицата, возрасните треба да земаат три пати супена лажица, а децата три пати по една мала лажичка од овој специфичен мед. Освен што ја смирува кашлицата, се препорачува и на пушачите за чистење на белите дробови.

Жалфијата исто така е многу благодарна за лекување со гаргара, болно грло, ларингитис и тонзилитис. Во своето етеричното масло содржи многу фенолни киселини, кои поседуваат антибактериско дејство. Нејзината состојка тујон има антисептичка моќ, особено кај стафилококни инфекции и се препорачува кај настинки и кашлање. Кај народот е познато и џвакање на свежи листови од жалфија со цел да се елиминираат овие проблеми.