Ме-Читаш

Хигиената е пола здравје: Крварењето на непцата предизвикано од забен камен и лоша орална хигиена, предизвикува паѓање на забите и го зголемува ризикот од мозочен удар

Редовно четкање и чистење на забите со конец, буквално може да спаси живот, според јапонската студија. Луѓето кои имаат 50 или 60 години имаат 24 или помалку заби (возрасните имаат 32 заби) и се изложени на ризикот од мозочен удар за 60 проценти повеќе од оние кои ги имаат сите заби. Но, истражувачите зедоа во предвид и други фактори поврзани со мозочниот удар, како што се пушењето, дебелината и алкохолот. Главната причина за паѓање на забите по 40-тите години е заболување на непцата.

Тие предизвикуваат таложење на микроорганизми во устата, но и во артериите чии ѕидови ги оштетуваат отровите од овие бактерии. Тоа предизвикува потешкотии во циркулацијата и пренесувањето на кислородот во мозокот, кој може да резултира со мозочен удар. Според друга теорија, оралните бактерии може да предизвикаат воспаление на мозокот и артериското ткиво, кое исто така може да има фатални последици за мозокот.

Избегнување на стоматолог му штети на срцето
Неквалитетна орална хигиена предизвикува крварење на непцата. Можат повеќе од 700 штетните бактерии да влезат во крвотокот и да предизвикаат развојот на срцеви заболувања, според неодамнешната британска студија.

Болните непца влијаат врз меморијата
Инфекциите на непцата може да предизвикаат создавање на  воспалителни супстанци кои стимулираат воспаление на мозокот. Тогаш постои ризик од умирање на невроните, кои се поврзани со губење на меморијата.