Ме-Читаш

За силен имунолошкиот систем е неопходно да се внесуваат секој ден, три витамини - А, Ц и Е. Тие се особено ефикасни во комбинација. За да се задоволат сите неопходни потреби, нутриционистите препорачуваат т.н. AЦE салата од моркови, домати, пиперки и сецкан магдонос, на која е додадена маринада сок од лимон, масло од пченични никулци, сол и бибер.

Во прилог на салатата, се препорачува АЦЕ коктел, кој содржи свежо исцеден сок од портокал, една осмина сок од морков и две лажички масло од пченични никулци. Коктелот е добро да се пие за појадок.

Витаминот А е добар за очите и дишните патишта. Витаминот Ц, освен што штити од настинки, телото го брани од стрес и учествува во производството на хормонот на среќата.

Што се однесува до витаминот Е, тој е "примабалерината во балетот на витамините", како што сликовито беше опишан од страна на виенскиот доктор Хадемар Банкхофер. Тој е исклучително важен за зајакнување на срцето и крвотокот, но и за намалување на алергиските манифестации кај луѓето склони на различни форми на алергии.