Ме-Читаш

Уште од древни времиња, се знаело дека јаболкото е крајно добро за здравјето, а истражувањата токму тоа и го потврдуваат.

Најновото покажува дека едно јаболко дневно штити од рак.

Редовно консумирање на јаболка може да го намали ризикот од развој на рак на дебелото црево или ректумот, покажува последното истражување на група полски научници.

Во студијата биле вклучени 592 пациенти болни од рак и 765 пациенти кои немаат рак. Со споредбата е откриено дека луѓето заболени од рак ретко јадат јаболка, скоро никогаш, наспроти оние кои што не се заболени од рак, и кои пак конзумираат јаболка во големи количини.

Констатирано е дека само едно јаболко дневно може да го намали ризикот од развој на рак. Експертите велат дека добро е да се конзумира секакво овошје и зеленчук секојдневно, но никое од овие не покажува толку предности колку јаболкото.

Јаболкото е богато со многу флавоноиди и антиоксиданси, па затоа се смета дека токму поради овие особини ги штити цревата и ректумот, кои пак стануваат се помалку подложни на акумулација на канцерогени клетките.