Ме-Читаш

Јадење од мали чинии, повеќе вода, супа пред главното јадење, зелен чај, намалување на алкохолот – тоа се само дел од популарните трикови за слабеење

Доколку сакате да јадете помалку, јадете од сини чинии. Верувале или не, докажано е дека сината боја го намалува апетитот. Изберете си сина чинија, или пак, син чаршаф за масата. Без и да почувствувате, апетитот ќе ви се намали и ќе внесете помалку калории од обично.

Експертите објаснуваат дека вдишувањето на арома на ванила пред јадење помага да се чувствувате позадоволни затоа што го прелажува мозокот дека сте изеле повеќе, а вие всушност ќе внесувате помали порции.

Психологот Меридит Јанг тврди дека жените кога се во друштво на мажи јадат помалку и избираат поздрава храна.

Кога жените јадат на иста маса заедно со слаби жени со голем апетит, консумираат повеќе калории.

Наместо брза храна, пригответе си оброк според комплициран рецепт. Колку подолго готвите, толку повеќе ќе ви се намалува апетитот. Цело време пред очи ќе ви бидат различните состојки кои ќе ги користите, а освен тоа ќе вдишувате различни ароми, па ќе чувствувате поголема ситост од помало количество храна.

Уште еден чуден, но интересен заклучок: луѓето кои јадат со голема виљушка консумираат помалку калории.

Не го ставајте остатокот од тортата или неодоливите колачиња во проѕирна пластична кутија. Луѓето кои користат проѕирни кутии почесто паѓаат во искушение да ? се насладат на храната што е внатре. Со непроѕирната кутија нема при секое отворање на фрижидерот да ви се активира апетитот.