Австралијанката Ерин Лонг Ворт едвај го преживеала падот во реката Замбези, откако и се скинало јажето за банџи џампинг, кое било прицврстено на 111 метри високиот мост, а при тоа нозете и останале заврзани.
Ерин паднала во реката со заврзани нозе и неможела да плива. Девојката морала да нурка за да ги ослободи нозете од јажето. Водата почнала да ја носи, но набрзо стигнале спасувачи, ја извадиле од реката и веднаш ја однеле во болница.
Скокот, банџи џампинг го организирала компанијата „Сафари Пар Екселенси“, која тврди дека јажето било ново и дека нивните скокови се сигурни.
Министерот за туризам на Замбија, Гивен Лубинд, по инцидентот настојувал да ги убеди туристите дека е безбедно банџи скокањето и дека ова е прв ваков случај.
„Секоја година од овде скокаат повеќе од 50.000 луѓе, што потврдува колку е ова сигурна зона“.
Замбези е инаку четврта река по големина во Африка и природно живеалиште на голем број крокодили.
Следете за нови коментари на RSS
