Ме-Читаш

Германката Фридхилд Милер во понеделникот во шоуто „Кој сака да биде милионер?“  на „РТЛ“ освоила 32.000 евра, а веќе во вторник добила отказ.

„На работа требаше да дојдам во 11 часот, но бев толку среќна и возбудена што на шефот му пишав смс порака во 7:54“, изјавила Милер. Го прашав каква е ситуацијата на работа, а по 4 минути и стигнал одговор во кој сопственикот на превозничката компанија и кажал дека нејзиното место ќе го замени нејзината колешка.

„И онака имаш доволно пари, а јас немам многу за фрлање“, ѝ одговорил шефот.

„Работев во „Даимлер„, а потоа некое време бев без работа. Ова е моја прва посериозна работа после „Даимлер„. Работев од август два пати во неделата по четири часа и за тоа добивав 400 евра“, рекла секретарката.

Сепак, за нејзиниот шеф рекла дека не е бездушен, а добила отказ затоа што во последно време не му одела работата, па е благодарен што повеќе нема да има потреба да плаќа работничка која не работи полно работно време.