Шест килограми тешка метална топка, со пречник од 35 центиметри, со непознато потекло, е пронајдена недалеку од еднo село во северниот дел на Намибија, околу 750 километри од престолнината Виндхук.
Како што соопштил Пол Лудик, началник на одделението за форензичарска медицина, селаните и полицајците од најблиската станица чуле неколку послаби експлозии на оддалеченост од околу три километри, а пет дена подоцна пронашле тркалезен метален објект.
Според неговите зборови, топката е празна и се состои од две споени половини.
Откриена е 18 метри од точката во која удрила, односно од кратерот со длабочина од 33 центиметри и ширина од околу четири метри.
Топката во изминатите неколку недели детално била анализирана. Бидејќи надлежните служби не успеале да го објаснат нејзиното потекло, во истрагата се вклучила и американската вселенска агенција НАСА и европската вселенска агенција “ЕСА“.
“Постои можност овој објект, кој паднал во Намибија, да потекнува од некое вселенско летало“, рекол Лудик.
извор-нетпрес
Следете за нови коментари на RSS
