Судот ја осуди Грција. Под овој наслов грчкиот весник Катимерини предвреме ја објави пресудата на Меѓународниот суд на правдвата во Хаг по тужбата што против Грција ја поднесе Македонија, а која официјално треба да биде донесена на 5 декември.
Весникот, повикувајќи се на анонимни извори во Судот, тврди дека по првите две барања со тужбата, Меѓународниот суд пресудил во полза на Македонија. По првата точка, Судот се прогласил за надлежен во овој случај, што го бараше Македонија, а го негираше Грција.
По втората точка, што е и најважно, Судот пресудил дека Грција ја прекршила Времената спогодба на тој начин што го блокираше зачленувањето на Македонија во НАТО на Самиотот на Алијансата во Букурешт. Во образложението на оваа одлука, Судот, како што пишува весникот, се повикува на изјави на тогашниот премиер Караманлис и на тогашната шефица на дипломатијата Бакојани, со кои тие најавија блокада за влезот на Македонија во НАТО.
По однос на третата точка, по барањето на Македонија да и се наложи на Грција да ги деблокира евроатланските интеграции на земјата, Судот се прогласил за ненадлежен, образложувајќи дека не може на суверени држави да им наложува донесување на одлуки.
Следете за нови коментари на RSS
Коментирано од Naum, декември 04, 2011
-
- +0
-
-
