Бугарската полиција уапсила 20 членови на криминална група која се занимавала со ширење на детска порнографија.
Полицијата во специјална акција во повеќе бугарски градови запленила голема количина на видео клипови со сексуални сцени во кои учествуваат деца од две до 11 години.
Директорот на отсекот за компјутерски прекршоци Јавор Колев изјавил дека децата од запленетите клипови се од Латинска Америка, Азија и Русија, а голем дел од снимките се направени преку „Скајп“.
Во текот на полициската акција во Софија, Бургас, Благоевград, Варна и во уште неколку градови, се запленети 32 компјутери, еден сервер, флеш мемории и друга компјутерска опрема.
Лицата кои се осомничени се на возраст од 20 до 40 години, а во полицијата ќе поминат 24 часа, по што против нив ќе биде покрената кривична постапка.
Следете за нови коментари на RSS
