Ме-Читаш

Димитрис Друцас е нов министер за надворешни работи на Грција - пренесува грчката агенција АНА -МПА.
Досега Друцас беше алтернативен шеф на грчката дипломатија, а премиерот Јоргос Папандреу беше на раководното место во министерството за надворешни работи.

Ова е една од поважните промени, по вчерашната реконструкција на грчката влада, објавена доцна синоќа.

Теодорос Пангалос, по реконструкцијата на владиниот тим на Папандреу останува на функцијата заменик премиер.

Владиниот кабинет од синоќа е проширен и има 48 члена, од кои 17 се министри. Досега грчката влада имаше 36 министри и државни секретари.