Скопјанецот Тони Денковски, денеска, беше осуден во скопскиот Кривичен суд на доживотна затворска казна за минатогодишното тројно убиство, кое го стори во рибниот ресторан “Биг Фиш“, во близина на трговскиот центар “Три Бисери“ во населбата Аеродром.
Осудениот со автоматска пушка ги уби Јордан Јорданов - Ркулот, Влатко Андревски и полицаеот Владо Милошев, вработен во Шестата управа во МВР, во септември, лани. По злсоторството што го стори, Денковски побегна, но самиот им се предаде на органите на прогонот по неколку денови.
За време на истрагата тој се бранеше со молчење, а додека траеше судскиот процес, тврдеше дека ги убил тројцата оти постојано му вршеле притисок и му се заканувале, како нему така и на неговите деца, бидејќи им должел пари.
Следете за нови коментари на RSS
