Ме-Читаш

Фејсбук стана трета интернет страна во светот, бидејќи во ноември го надмина Јаху во поглед на поединечни посети

Според податоците на истражувачката компанија „КомСкор“, Фејсбук го надмина во ноември Јаху кој сега е на четврто место затоа што во тој месец Фејсбук оствари 648 милиони единствени посети, а Јаху 630 милиони.

Пред точно една година Фејсбук имаше малку повеќе од 400 милиони поединечни посети, додека Јаху имаше 600 милиони.

Фејсбук се наоѓа веднаш зад веб-гигантите како што се Мајкрософт (869 милиони поединечни посети во ноември) и Гугл (970 милиони посети).

Освен тоа, времето кое корисниците го поминуваат на Фејсбук вртоглаво расте, така што сега достигнува во просек пет часа и 25 минути месечно.