Ме-Читаш

Наполни триест и уште си сама? Мораш да ги научиш новите правила на заведување.

Поголемиот дел од жените во тие години имаат повеќе пари од претходно, помудри се, а сепак доволно млади да знаат да се забавуваат. Па, забавувај се и ти.

Откриј што сакаш
На состанокот со новиот партнер пристапете му како на нешто што Ви е важно во животот. Направете список на сите карактеристики кои ги барате и видете дали Вашиот потенцијален партнер се вклопува во таа слика.

Биди ладнокрвна
Наместо да инсистирате на тоа во кој правец ќе се движи Вашиот иден живот, разговарајте за сегашноста. Конверзацијата мора да биде лесна и необврзувачка. Потрудете се да оставите впечаток на зафатена личност која води исполнет и интересен живот. Мажот со кој сте излезени не смее да помисли дека барате некого за пополнување на празнините во Вашето слободно време.

Изгледај префинето
“Длабоко деколте или мини сукња се сосем во ред, но само поединечно. И едното и другото во исто време - никако” препорачува Lorry Turner телевизиски советник за стајлинг. Кога имате 20 години, никој нема да Ви замери ако на состанокот дојдете во фармерки и кошула, но со 30 години морате да изгледате префинето. Ослободете се од ваквите парчиња облека и дречливите бои.

Распрашај се за него
Никогаш не е премногу рано да се распрашате за неговиот поранешен живот. Така ќе дознаете дали е сериозен и како порано се однесувал кон жените. Посветете внимание и на говорот на телото.

Не брзај
Не отстапувај од твоите критериуми затоа што Вашиот животен партнер треба совршено да Ви одговара, и затоа не брзајте.

Интересно е да излегувате со повеќе мажи затоа што на тој начин секогаш ќе уживате во убавата атмосфера која е карактеристична за самиот почеток на врската. “Лучноста за која ќе се врзете можеби ќе биде таткото на Вашите деца, па затоа немојте да згрешите” советува Trish McDermott од online агенцијата www.match.com  

Ослободи се од духовите
Ако не може да ја исфрли поранешната партнерка од главата, значи дека сеуште не е спремен за посериозна врска. Вашиот маж мора да живее во сегашноста, а не во минатото. Затоа кажете му дека Ви е жал, дека сте свесни дека тој е повреден, но дека доколку сака да продолжи да излегува со Вас, ќе мора да престане да Ве споредува со неа затоа што се разликувате. Врската која почнува додека едниот од Вас двајцата сеуште негува силни чувства кон поранешниот партнер, не може да биде стабилна.