Ме-Читаш

Боите се составен дел од нашиот живот. Влијаат на атмосферата во просторот, на расположението, откриваат многу за нашата личност, а во хромотерапијата се применуваат за лекување на разни болести. Дознајте што вашата дневна соба зборува за вас, како и некои општи правила за боите во ентериерот.

Црвената е најсилна боја и ја избираат личности со цврст карактер, желни за возбуда и акција, како и топлите и љубезни лица.

Зелена боја е омилена на мирни личност и љубители на природа, а често ќе ја изберат и оние кои се стремат кон намалена активност и повеќе се опуштени и се одмараат.

Розева боја е повеќето женска боја, но е поврзана со луѓе кои се среќни и доверливи.

Изборот на сина боја открива мирна и тивка личност, но ќе ја изберат и оние на кои домот им е оаза во секојдневниот живот.

Жолтата боја претставува отворена, позитивна и оптимистичка личност, додека поединци кои сакаат удобност и задоволство често се одлучуваат за кафените тонови.

Виолетова открива личност која тежи кон отменост, висок статус и луксуз.

Активност, топлина и позитивни вибрации се карактеристики на луѓето кои ја избираат портокаловата боја, а храброст, софистицираност и елеганција ги краси лицата кои уживаат во црната боја.

Белата боја е поврзанана со личности кои се верни и искрени, а сивата е боја на лица кои ги балансираат нештата.

Постојат некои општо прифатени правила за примена на бојата при уредување на просторот. За соба за деца се препорачуваат топли бои како црвена, жолта или портокалова, бидејќи тие го привлекуваат вниманието и стимулираат активност. Ладните бои, како и нијанси на сина, зелена и виолетова, смируваат и ја зголемуваат концентрацијата, и се препорачуваат за спални соби или работни простории.

Без оглед на правилата, сигурно сте се сретнале со примери на лица кои во просторијата за одмор и работа ги имаат топлите бои, бидејќи во таква средина се чувствуваат добро. Пораката е следна: Изберете боја која во вас поттикнува позитивно расположение!