Македонската кошаркарска репрезентација, доцна вечерва, околу 23 часот, ќе ги дознае имињата на противниците, со кои ќе ги започне натпреварите на квалификациониот турнир за пласман на Олимписките игри во Лондон.
Македонија, заедно со останатите три европски репрезентации: Русија, Литванија и Грција ќе биде носител на една од групите. Во првата фаза Македонија за противници може да ги добие Доминиканска Република, Венецуела, Порторико и Нов Зеланд од вториот шешир, односно Нигерија, Ангола, Јордан и Јужна Кореја од третиот шешир.
На квалификациониот турнир ќе бидат формирани четири групи со по три репрезентации, пласман во четвртфиналето ќе изборат најдобро пласираните две репрезентации од секоја група, кои потоа ќе вкрстуваат во полуфиналето, по кое ќе следат натпреварите за третото место и финалето.
Пласман во Лондон, од квалификациониот турнир кој ќе се одржи од 2 до 8 јули во Каракас, ќе изборат најдобрите три репрезентации.
Следете за нови коментари на RSS
