Фудбалерите на Манчестер Сити со убедливи 3:0, синоќа го совладаа Ливерпул во дербито на 20. коло и се одлепија на врвот на табелата во Премиер лигата со три бода предност пред градскиот ривал Манчестер Јунајтед и шест пред Тотенхем. Но, „граѓаните“ имаат и еден натпревар повеќе од најблиските конкуренти.
Тотенхем остана блиску до лидерот по минималната победа од 1:0 против Вест Бромвич Албион, додека во третиот синоќешен натпревар, Сандерленд со 4:1 оствари гостинска победа против Виган.
Во понеделникот беа одиграни пет натпревари од ова коло: Астон Вила - Свонси 0:2, Блекбурн - Стоук 1:2, КПР - Норвич 1:2, Вулверхемптон - Челзи 1:2 и Фулам - Арсенал 2:1.
Дваесетата рунда од Премиер лигата ќе биде комплетирана вечерва по одигрувањето на средбите Евертон - Болтон и Њукасл - Манчестер Јунајтед кои почнуваат од 21 часот.
Табела: Манчестер Сити 48 бодови, Манчестер Јунајтед 45 (1 натпревар помалку), Тотенхем 42 (-1), Челзи 37, Арсенал 36, Ливерпул 34, Њукасл 30 (-1),...
Следете за нови коментари на RSS
