Ме-Читаш

Реал Мадрид на свој терен ја победи Малага со 3:2 во првиот осминафинален дуел од Кралскиот куп, откако гостите на полувремето имаа предност од 2:0.
Бранителот на трофејот пресвртот го направи во вториот дел со головите на Сами Кедира, Гонзало Игуаин и Карим Бензема во периодот од 68 до 78-та минута.

На другите три први осминафинални куп натпревари одиграни синоќа постигнати се следниве резултати: Албасете - Атлетик Билбао 0:0, Мирандес - Расинг Сантандер 2:0 и Алкоркон - Леванте 2:1.

Вечерва и утревечер се играат останатите четири дуели: Реал Сосиедад - Мајорка, Барселона - Осасуна, Кордоба - Еспањол и Валенсија - Севиља.

Реваншите ќе се одиграат од 10 до 12 јануари.