Полскиот Ф1 возач Роберт Кубица, кој не се натпреварува откако ја преживеа сериозната несреќа на една рели трка во Италија во февруари минатата година, е пренесен во болница откако се лизнал на мраз и заработил повреда на ногата.
Според италијанските медиуми, 27-годишниот Полјак заработил микрофрактура на десната тибиа, што претставува огромен чекор назад во неговите обиди да се врати во акција во „летечкиот циркус на четири тркала“.
На Кубица му заврши договорот со тимот на Рено и моментно е без ангажман, а се споменуваше како можна замена за Фелипе Маса во Ферари за следната сезона.
Инцидентот се случил во местото Пјетрасанта, во близина на приморскиот град Вијареџо, каде бил пренесен во болница за да му биде извршено скенирање на ногата. Тој потоа ја напуштил болницата, велејќи дека сака да замине во клиниката во Пјетра Лигуре, во близина на Џенова, каде закрепнуваше од скоро фаталната несреќа на почетокот од минатата година. Тој таму помина повеќе месеци и му беа извршени бројни хируршки зафати за санирање на повредите на десната рака, лакот и нога.
Следете за нови коментари на RSS
