Николас Кејџ навистина има бизарни ситуации во животот. Откако неодамна раскажа како нашол гол маж во својата соба, сега е откриено дека во минатиот живот бил вампир.
Имено, на „Ибеј“ осамнала фотографија од 1860 година, а на неа е човек кој изгледа баш како 47-годишниот Кејџ.
Почетната цена на сликата е милион долари, а продавачот Џек Морд одговорно тврди дека фотографијата е автентична и дека на неа е човек кој живеел во времето на американската граѓанска војна.
-Оваа фотографија е доказ дека Кејџ не е само холивудска ѕвезда, туку и вампир кој ќе умре на некои 70 години, а потоа повторно ќе се појави млад на некој друг крај на светот - се пошегувал Џек.
Мистиката околу портретот е поголема со тоа што човекот потпишан на сликата не е идентификуван.







